السلام عليكم ورحمة الله وبركاتة
ازيكم يا حلوين انا قلت بمناسبة الحر اللى احنا فية نعمل حاجة نطرى بيها على قلبنا
عصير كوكتيل الفواكة الطبقات
والطريقة
اعملى عصير مانجة بس تقلية
وعصير فراولة ويبقى اخف شوية من المانجة
وعصير موز او جوافة ويبقى اخف من الفراولة
الاول صبى تلت الكاس مانجة
وبعدين صبى بحذر على جدار الكاس اوصبى خيط رفيع بحذر فى نص الكاس التلت التانى من عصير الفراولة
وبعدين امسحى الكاس من جوة من الجنب اللى كنتى بتصبى منة الفراولة
وبعدين صبى الموز او الجوافة بحذر زى الفراولة
وممكن تزوقى وشة بكريم شانتية
وفى طريقة تانية
ممكن تعملى التلات انواع كلهم تقل واحد بس يبقى تقيل مش خفيف
وتجيبى كاس عريض مش طويل وحديساعدك وتصبى التلات انواع فى نفس الوقت
وتزوقى الوش بقطعة فاكهة او كريم شانتية
وانشاء الله يبقى عندك احلى كوكتيل فواكة بالطول او بالعرض