السلام عليكم
ازيكوا ياحلويييين
وعندك واحد مهلبية بالبسكوت وصلحه
ندخل فى المهم
المقادير
نص كيلو لبن
نص كوب سكر
معلقتين كبار نشا
فانيليا
باكو بسكوت شاى كبيراو بسكوت نشادر لو عندك
شوية عصير للعجن(عجججنآه ماتستغربيش) وياحبذا لو برتقال او فراولة انتى وذوقك يعنى
الطريقة
-هنحط اللبن على النار ونحط علية السكر ونقلب لحد مايغلى
-ندوب النشا فى شوية لبن او ماء بارد ونضيفة على اللبن
-نهدى النار شوية ونقلب بمضرب سلك عشان النشا مايكلكعش
نقلب شوية لحد ماتتقل معانا وتبقى مهلبية وبعدين نحط الفانيليا ونطفى النار
-ناخد نص كمية المهلبية ونغرفها فى الاطباق بس لحد ربع الطبق كده وبعدين نحطهم فى الفريزرلحد ماتمسك المهلبية نفسها شوية
-فى الوقت ده هنطحن البسكوت فى الكبة ونحطه فى طبق ونحط علية العصيييير فاكرينة ياحلوين؟ شوية شوية لحد مايبقى عجينة
-نجيب الاطباق من الفريزر ونوزع عليهم عجينة البسكوت واتوصى بحيث يعمل طبقة حلوة كدة
-وبعدين ندخل الاطباق الفريزر تانى شوية صغننين عشان البسكوت يمسك نفسه
-نجيب الاطباق ونحط عليها باقى المهلبية ولمستى السحرية بقى (رشى على الوش شوية قرفة)وحطيهم فى الثلاجة