السلام عليكم ورحمة الله وبركاته
يوميات عضو محظور من دخول منتدى ( ان شاء الله تعجبكم )
( منقول للامانة )
عضو محظور وهو قاعد علي النت: ياااااااااه أنا بقالي مدة مادخلتش منتدي الفرع من ساعة ما اتحظرت...أدخل أشوف كده يمكن رفعوا الحظر
لما دخل المنتدي وسجل: قشطة أنا دلوقتي عضو زي بقية البني آدمين علي المنتدي...إده كل دي رسائل خاصة؟!!!
يفتح العضو المحظور أول رسالة يلاقي فيها:
المشاركة الأصلية كتبت بواسطة (المدير العام)
اعتبر ده آخر انذار ليك...وبعد كده مش هتشوف الصفحة الرئيسية بتاعت المنتدي علي جهازك تاني تاني
العضو المحظور:ههههههههههه هو مفيش اختراع اسمه بروكسي
المشاركة الأصلية كتبت بواسطة (الدعم الفني)
كنت عايز أفكرك اللي أنا حالف أنك لو عملت حاجة مش هتعجبني..يبقي
نهايتك هتبقي علي إيدي ..وهكون أول واحد ليه الشرف اللي هو يخترق جهازك
ويدمره....
العضو المحظور:انت الوحيد اللي بخاف منك
المشاركة الأصلية كتبت بواسطة (المشرف العام)
بص يبني احنا صبرنا عليك كتير...ومهما دخلت بعضويات تانية احنا عارفينك...ونهايتك علي إيدينا
العضو المحظور: ههههههههههه تبقي قابلني
المشاركة الأصلية كتبت بواسطة (عضوة أمورة)
هاي...ممكن اتعرف عليك...أنا من ساعة ما سجلت وبشوفك محظور...رغم ليك مواضيع رومانسية جدا..أكيد هما ظالمينك..صح؟
ده إيميلي مش تصدقو ايميل هكى وخلاص هذا
مش ضرورى نكتبه
العضو المحظور(الشرار بيطلع من عينيه):هو ده الشغل
المشاركة الأصلية كتبت بواسطة (بيكو صاحبي)
كان يوم اسود اللي عرفتك فيه علي المنتدي..أهو دلوقتي عايزين يحظوروني بسببي..روح يا شيخ
العضو المحظور: ؟؟؟؟؟؟؟؟؟؟؟؟؟؟؟؟؟؟
المشاركة الأصلية كتبت بواسطة (مشرف)
أنا بطلت افتح مواضيعك...باحذفها علي طول...
العضو المحظور: هههههههههههه انت بتعرف تحذف
المشاركة الأصلية كتبت بواسطة (مجرم بمزاجي)
ايه يا نجم..كل شوية ادخل ألاقيك محظور...فين إيميل البنت اللي قلتلي عليها
العضو المحظور:ييييييييييييييه ده انا نسيتك يا مجرم
المشاركة الأصلية كتبت بواسطة (عضو جديد)
انا عضو جديد في المنتدي ...ممكن نكون أصدقاء..ابعتيلي إيمليك
العضو المحظور: إده ده فاكرني بنت!!!!!!!!!!
المشاركة الأصلية كتبت بواسطة (البطل)
ايه يا باشا..شايفك اتحظرت أو محظور علي طول..لو عايزني اخترقلك المنتدي..انا موافق ولكن ده هيكلفك شوية
العضو المحظور:امممممممممممم
المشاركة الأصلية كتبت بواسطة (باموت فيك)
ازيك..ما تعرفش فين العضو (حبيبتي من تكون) أصل بقاله مدة مش بيدخل وملاحظة أنكم صحاب.وانا قلقانة عليه بصراحة
العضو المحظور:روحي موتي أحسن
سلااااااااااااااااااااااااااااااااااام
